شاورتني وانا بلا شور وياك

شاورتني

شَاورتني .. وأنا بلا شور وياك
إرضاك بَنّدٍ من بُنود ارتياحي

وعتابي ومِشروهي الصَّلِف يِفداك
لو إنّ مراحك ما يِشابه مراحي

والله ما فيني شَدّه أقول وش جاك
أنا مريض وتوّ ما صِرت صاحي

لي مُدّة مُطفّي مواطير الإدراك
ومُسلّم شِراعي لرغبة رياحي

والحمد لله وسلامتك وأعفاك
صَلاحك أبْدى من رِضاي وصَلاحي

الله مَعك .. لو كان موضوع فرقاك
يِبي دراسة من جميع النواحي

الشاعر حمود ابو عوينه ¹