خلوني اسافر

تبعت نفسي لوين؟ مدري إلى وين!
مِن واقعي إلى المطار لخيالي

أهمّ شي السُمعة وقبلها الدِّين
وإلا خساير رغبتي من حلالي

هروبي من القيل والقال روتين
وغايات ما ألقاها سوى بِنِعزالي

يا اللّي تِذكّرني فـ بُكره، وبعدين!
الموت يوميًّا يِقفي بغالي

خلّوني اسافر تَرا العمر يومين
يومٍ مَضى واليوم الآخر بَقى لي

كَثّرّت مَشاريه النشاما عليّ لين
صِرت أسهر لحالي، وأسافر لحالي

الشاعر حمود ابو عوينه ¹