انعست عين الغلا

انعست عين الغلا والهَوى هَدّا
خانَت الأيّام والمِلح والعِشره

وأبتديت تشوف نفسك وتتحدّى
وأنت ما كنت تتغلّى ولا تشره

كنت مجروحي وصرت الدّوا والدّا
كنت آه وصرْت آهاتٍ منتشره

غلطة الّلي بالمحبّه أخَذ وأدّى
واعترف لك بالغلا وأبصمت عِشره

الهَوى جاب الغلا والهَوى ودّى
وأنت وجروح الزمن بالحشا خِشره

يا بعد من ما بعد جا ومن هَدا
ويا بعد من ساج روض الحشا نشره

يوم صار الحبّ جزيّه ولك تِدَا
والقصيد أسهل من كتابته نشره

خُذ قصيدي يا شذا الورد لَندا
وانتبه لي واستمع موجز النّشره

والله إنّك بالغلا فارق جدًّا
مثل فرق الابتسامه عن الكِشره

كلمات الشاعر: ضيدان بن قضعان ¹