ابيك تشوف هالدنيا

ابيك تشوف هالدنيا بعد ما اغيب ب امطاري
واخلي قلبك القاسي على شرفة هموم الغيب

بعد ماجيت بغيومي عشق تسقيك انهاري
ذوى قلبي على ضلوعي وانا في رحلة التغريب

نحرت الحب من عرقه غديت امن الهوى عاري
نزفتك شعر ب اوراقي تثبت سيرة التعذيب

فمان شعورك النادم ودمع عيونك الجاري
فمان الخيبة المرة وجرحً مالقا تطبيب

ابقفي عن تفاصيلك لجل ما أخذ بثاري
و بغسل ذنبك الجاير من شعورً قتلته ريب

ياقسوة درسك البائس على قلب غدى ضاري
على الخيبه على الغيبة وجروحً كلها تأنيب

بكيتك لين مادمعي كتب فيك اعذب اشعاري
نزفتك من شراييني نزعتك رغبه مو ترهيب

كبير الجرح في صدري درى ما ظنتي داري
مصير ايامي الغبرا على يديها الجروح اتطيب

خذيت أيام الملمني وابعثر جملة اسراري
وقلت لنفسي وش يعني اذا فيه الظنون تخيب