لو تقتحمني عاصفة مهذل الصقور

لو تقتحمني عاصفة

لو تقتحمني عاصفة وتزلزل أركاني رياح
صوت الأمل فيني يقول إنّ العواصف بتهدّى

لو صاعقة تنزل عليّ ولا تخلّيلي جناح
صوت الأمل فيني يقول إنّي بطير بلا مدّى

ولو تذبل أغصاني ظمى من شوقها للماء القراح
صوت الأمل فيني يقول إنّ السّماء غيم وندّى

ولو اِنْسُجِن عشرين عام ما شهق فيها صباح
صوت الأمل فيني يقول إنّ لي صباح ومعدّى

ولو قطعوا راسي وزالوبه على روس الرماح
صوت الأمل فيني يقول إنّ العمر توّه بدى

لكن إذا خان الصّديق ورحت في حالي وراح
صوت الأمل فيني يقول آنّي انتهيت آخر ندّى

الشاعر: مهذل الصقور ¹