كلمات يوم هب الوقت احلام

يوم هب الوقت

يوم هب الوقت وأعماني عجاجه
الفرج عيا وانا بالصبر راهي

ويوم مال وطال ميله وأعوجاجه
رحت ادور شي يشد انتباهي

شفت زولك مقبل مثل انفراجه
كنه اللي جايب عزي وجاهي

ياه يا ضيقات صدري وابتهاجه
تذكر آخر مرة شفتك متى هي

صاحبك من يومها زاد احتياجه
وامتطى ظهر المصايب والدواهي

سولف الليله على قلبي وناجه
من بقى لي غيرك افخر به واباهي

يا بعد من كدر غيابي مزاجه
ويا بعد من مرت حروفه شفاهي

رغم حيرة قلبك ورغم انزعاجه
الزمن ما غير احساسك تجاهي

ورغم وحشة بعدك وقسوة سياجه
كل حاجه فيك ظلت مثل ماهي

الخجل في وجهك اول ما نتواجه
والبراءه في عيونك وانت ساهي

وبسمتك لامن بغيت تقول حاجه
وغيرتك لا شفت كني عنك لاهي

قبل اشوفك والزمن عاقد حجاجه
اسأله وش فيك والقى العذر واهي

ويوم شفتك قلت للوقت وعجاجه
هيه ياللي في طعونك كنت راهي

انت لو غيرت فينا الف حاجه
القلوب البيض تبقى مثل ماهي

A H L A M ~ ♥️ ~ أحلام ¹

1. [↩]الحساب الرسمي للفنانة A H L A M ~ ♥️ ~ أحلام في منصة اكس