إن كان ودك بالسنع يا رفيقي
قدمت لك ثنتين واختر حداها
أما أفتهك لا تعترض في طريقي
أسير تو الخيل وإلا وراها
ولا فلك مني أحجاج طليقي
قدني وأنا يمناك وإلا عصاها
إن كان ما تقدر وقلبك رقيقي
نوختها لك لين تسمع أرغاها
كذا المروه والشموخ الحقيقي
الأجواد ما تنتف سبايل إلحاها
والحقد يحرق كل غصن وريقي
وقوم بليا ود تكسر عصاها
وأنا لربعي مع الأخ الشفيق
أحدها للطيب واسمح لخطاها
لا شانت أخلاقي ولا جف ريقي
لو الموارد كلها جف ماها
