ما هو بكيفك تواصلني تقطعني
أما غلا بيّن أو فضّها سيرة
يا شين لا جيت تقطع لا توادعني
ليتك تحس الوداع شلون تأثيره
يا ماخذ الحب قل فيني وسمعني
حب على كبر صعب أبدل بغيره
أبحتفظ فيك وأدري ما نت نافعني
يمكن مع الوقت أقول محبتك خيرة
والله تدري وش اللي معك دافعني
إني معاك أنت أمارس آخر الغيرة
وأحب فيك البرود اللي يقاطعني
لو ما تكلمت صمتك صعب تفسيره
يا اللي عليك البشر شفها تقاطعني
منين ما وجه الهقوات لك سيرة
يا شينها من الخوي قول أتركه طعني
ما غير شره ولا أنت بشايفن خيرة
يا شينها منك لا جيتك توزعني
في عذرك اللي على هالظرف تجييره
شف كبر صبر البشر ما عاد ياسعني
وأكبر هموم العباد أشوفها صغيرة
وش جاك مني خطأ يومك تبيعني
في سوق ذقها عليك أسوقها جيرة
أنا أذكر إنك إلا من قلت دلعني
القلب هانت علشانك مشاويره
يا مشغل القلب بين تحبني ويعني
شفني عليك أحترق يا سيدي حيرة
مرات أقول أتركك لا شك يمنعني
شي يقول أعذره وأقبل معاذيره
قلت أحتفظ فيك وأدري ما نت نافعني
يمكن مع الوقت أقول محبتك خيرة