بين جفنك وعينك ألف معنى ومعنى
وش بقى للقصايد يوم ترخي جفونك
إنت يا اللي بزينك جيتنا تنتزعنا
وسع الصدر وأرحمني على هون هونك
إنت والله لو إني نبي نسري رجعنا
لا انتهاء زين غيرك كنهم يبتدونك
حي ذلك الحلا فيك عنهن قطعنا
مبطي ما ورد الزين من يشبهونك
كم بغيناك في وصف وأنا أقول ضعنا
عجز أبيات شعر معذبك يا صفونك
كم شرينا بسوق الوصف غيرك وبعنا
وأنت مهما وصفنا كله يطيح دونك
يا مضيق صدور البيض في مجتمعنا
والله إني بشعري ما قوينا عيونك
تذكر النظره اللي من وراها اندفعنا
يوم تقبل سكوتك مختلط مع جنونك
ما تكلمت لكن سمعنا وأطعنا
كن الناس مثلي كلهم يفهمونك
جيتنا في غرور ورحت تعلن ولعنا
لو إنك تبيع كلامك والله إني زبونك
يوم قفيت والله ثقلنا ما نفعنا
أخذت ناس وناس ودهم يتبعونك
دام قلبك كبير وراهي يتسعنا
ظفنا معك أو ظفنا في ردونك
أثر للزين هيبة تونا ما اقتنعنا
اقرأ لا جيت تطلع وانتبه يحسدونك
لو معانا سكاكين لك الله قطعنا
بس ربك حميد وقطعتنا عيونك