للزين قالوا من قديمًا علامات
عينٍ ومبسم والجسم والرشاقة
لكن كسر هالقاعدة هالمتينات
من واقعٍ ماهو كلام وبلاغة
اللي محليهن ولو هن ثقيلات
دايم أخفاف الدم وفيهن لباقة
الله يا هن يا جماعة لطيفات
وعلى الكلام الحلو فيهن طلابه
ما هو ضروري بالرشاقة رشيقات
وزود الوزن ما هو بيعني إعاقة
صحيح بعض اللبس يعني إهانات
الوزن بالضيق عديم العلاقة
بس ما هو ضروري يلبسن استرتشات
يا زينهن واللبس واسع نطاقه
لا بارك الله فيك يا الضيق مرات
ترى السعة مرات تعطي أناقة
قالوا الرجيم اليوم هم البنيات
قلت الرجيم أدري يبي له فراغة
وقالوا الرياضة قلت لا لا ما هن مريضات
لسكر لا ما معاهن بطاقة
قابلهن الله بلا رجيم ورياضات
بهديهن مني من الورد باقة
هن دفء هذا المجتمع هن رقيقات
هن ملح هن سكر لذيذٍ مذاقه
هن لا سألتوني عن الحب بسكات
بقول هن فيهن عن الحب طابه
ما هو كلام اللي كتبته وإشاعات
أنا أربطتني مع متينات علاقة