لاباس يا المحبوب روحي تفداك
لاباس يا مضنون عيني حبيبي
يا عل ربي يا هوى البال يقاك
من كل شر وكل جرح عطيبي
ياليتني خذت المرض عنك ما جاك
وتصير من بد الخلايق طبيبي
ترى حياتي ما تهنى بلياك
ليتك دوام عند عيني قريبي
ياليتني نسمة صباح بدنياك
ألثم جبينك عقب طول المغيبي
أو ليتني طيف يزورك بممساك
وأشاهدك وأقول يا نفس طيبي
بالحيل أحبك وأعشقك وأتمناك
يشهد على ما أقول دمع سكيبي
أنا دخيلك لا تطول بفرقاك
رد لعيوني نومها اللي حريبي
