يا بعد من صار ظني فوق ظنه
خاطري ذا الليل ما حوله رحابه
العلوم اللي بصدرك مرجهنه
سولفت عنها عيونك بالنيابه
اسمع الشعر الحقيقي من مغنه
لا يضيع شاعرك زهرة شبابه
إيه أحبك وأدري إن الحب سنه
عالم موحش وشرعه شرع غابه
ابتسم بأرض خلا وتصير جنه
والتفت صوب الشعر ويفك بابه
يوم أقهوي مسمعك هيله وبنه
ودي أميزك في وقت التشابه
مستحيل أجيب بيت فيه هنه
المجامل طاوله سقم وغدا به
في حرم وجهك سيوف مستسنه
خايف أزعلك وتقوم الحرابه
من غمره رضاك رضي الله عنه
لو علق بين التمادي والذرابه
يدغم الشاعر عليك بدون غنه
شي يحير فلاسفة الكتابة
فالشتاء البارد وعندك بوخ كنه
لا لفح فالمتزن يفقد صوابه
وإن قدرت أقول زينك ويش كنه
كني أرد المطر صوب السحابه
كل ما عينت وصف وجيت أعنه
ضعت بين الفوضويه والرتابه
ماخذ تاج الجمال إنسه وجنه
مالهم في حقك الشرعي طلابه
بايع عمري ل أبو زمه وبنه
كل ما شفته مجرحته ثيابه
أنت حلم قد مليت الكف منه
وأحمد الله وأشكره من يوم جابه
وجهك مقابله لطف في محنه
يا حياة القلب مدري يا عذابه
يقرع فوادي عليك إقراع شنه
وانبرى حالي مثل قوس الربابه
اعطني قلبك وقلبي لا تحنه
الظبا ما تأكل قلوب الذيابه
كلمات شيلة اعطني قلبك اداء الجفراني
