كلمات خلوه يتدلع

خلوه يتدلع

خَلّوه يتدلّع، حيل يِطلَع له
مِن حَقّه وبكِيفه، الدَّلع لا يِگِلّه

شالع قَلبي وأعرِف بيه يِعذّبني
بَس خَلّوه، عادي، بِكل شي عاجبني

غير إنت أبو عيون الغاليات هَواي
غير إنت العزيز اللّو ضَحّك بلُوّه
غير إنت العِشت بالنَّفس رايح جاي
ماليني عِشق مِن فوق لِجُوّه

وأحب كِل السوالف لو إِجت مِنّك
راحِت بالي، رزقي، وعافية رُوحي
هالأشياء أَحس كِلش يِشبَهِنّك
إنت عينَك سالفة تِعدّل المِزاج
تِنكتب بالوصفة مِن ضِمن العِلاج

خَلّوه يِسوي العاجِب
خَلّوه بَعد يِدلّع
حَقّه لأن كِلش حِلو
يِمّه الجَمال ويِقطّع

غير إنت تِخَبّل وجديد
وجَنك أوّل يوم العيد
خَل نِشبِك إيد بإيد
ونِرقُص أَحلى جوبيه
الجُوبي يِمّه الجُوبي
نِرقُص أنا ومحبوبِي

إنت الغَرام ويا النَّفَس
تِنزِل حَبيبي وتِطلَع
مَملوح وأُسلوبك حِلو
مِنّك مِلح يِتوزّع

مِثلك لا صار ولا دار
وخصرَك مَنطِقة الإعصار
مِنّك شِبِت بيّه النّار
طَفّيني شِويّة شِويّة

مُنتَظِرك براس الفَرع
مِن بَيتكم لا تِطلَع
والله لَسويها صِدِگ
اللّي ما شاف أخلّيه يِسمَع

لو أَلعَب لو ما تِلعَب
لو خَرِب أنا المَلعَب
أَعمى وبيك أنا مُجلِب
وشِيخلّصك مِن إيدَيّا

ماجد المهندس ¹

1. حساب الفنان ماجد المهندس في منصة اكسالمصدر: