امنتك الله
أمَنتك الله، يا حبيبِي أبرحَل
يمكن غيابي يِعرِف الشُوق قلبِك!
مع مرور الوَقت، أرجُوك اِسأل!
خَلّ الوصل، لو يوم من بعض طَبعِك
أنا بغيب! وإن كان لك قلّب ازعَل
أعطينِي أعذار !وأنا أبقى بِحبّك
كِلمة حبيبي في مدى الهجر تِذبِل
دام الصدود اليوم هو شَرع حُبّك
لا عَاش لك قلّب إذا بالظِيم يِقبَل
ولا يِنفَعك سَلَم إذا الغدر طَبعِك
يا ناسي قلّبي ترى الجرح يوصَل
دامك تَناسى منهو اللّي يِوَدّك
يا مُعلِّمٍ قلّبي ترى الحُب أجمل
قلبي حبيبي يِعرِف الحُبّ قبلِك
عباس ابراهيم ((الحساب الرسمي للفنان عباس ابراهيم في منصة اكس))