قال أبقفي قلت شف ذاك الطريق
امش في منحاه ولا مفرقه
والطريق اللي بلا خل ورفيق
ما يوسع خاطر اللي يطرقه
منته ملاقي مثل صدقي صديق
في مغيب الكون وإلا مشرقه
رح جعل من لاق فعيونك يليق
وسوبه مثلي وحبه واسرقه
وخل من حبك بتوديعك غريق
ولا نجا حرة فراقك تغرقه
خله إليا من ذكر وجهك يضيق
ولا نساه يوم، يصب عرقه
سمه الناسي وسمه بالعتيق
وشب قلبه بالرسايل وأحرقه
خل عينه لا قرت خطك تريق
عذبه واذبح طموحه بورقه
وخله الواقف على ذاك الطريق
ميت من البرد ويصب عرقه
سوبه مثلي وحبه واسرقه سعد علوش
